«Abstanoŭka ciapier dosyć składanaja, ale prahnazavanaja.
Składanaść u tym, što vysoki ŭzrovień zachvorvańnia trymajecca dosyć doŭhi čas. Biezumoŭna, jon supravadžajecca rostam špitalizacyi pa ŭsich rehijonach, i Mahiloŭski rehijon tut nie źjaŭlajecca vyklučeńniem», — cytuje słovy ministr telehram-kanał Minzdaroŭja.
Ministr adznačyŭ, što vakcynacyja viadzie da adnoj vyraznaj mety: jana abaraniaje ad ciažkaha ciačeńnia zachvorvańnia.
«Naprykład, tut, u Mahilovie, u reanimacyi tolki adna pryščeplenaja pacyjentka, jakaja, na ščaście, idzie na papraŭku. U astatnim — pryščeplenych u reanimacyjach niama. Jak pakazvajuć suśvietnyja źviestki, paśla vakcynacyi ryzyka špitalizacyi ŭ stacyjanar pamianšajecca ad 22 da 29 razoŭ», — skazaŭ jon.
Ministr nazvaŭ jašče adnu rysu, charakternuju dla hetaj chvali:
«Pryčynaj raźvićcia ŭ nas čaćviortaj chvali stała raspaŭsiudžvańnie kavidu siarod dziaciej i padletkaŭ. Pačatak navučalnaha hoda supaŭ z umovami nadvorja i staŭ tak zvanym spuskavym kručkom.
My ŭviali ŭ škołach, VNU i kaledžach bolš žorstki epidrežym. Spadziajusia, heta pavinna dapamahčy. Taksama rekamiendujem abmiežavać masavyja mierapryjemstvy. Zaklikaju da razumnaj aściarožnaści i bolš žorstkaha reahavańnia na parušeńnie mier sacyjalnaha dystancyjavańnia».
