Zhodna z prajektam Kanstytucyi, vybary deputataŭ usich uzroŭniaŭ pravodziacca ŭ adziny dzień hałasavańnia. Takim čynam miascovyja Saviety deputataŭ 28-ha sklikańnia buduć ažyćciaŭlać svaje paŭnamoctvy da pačatku pracy miascovych Savietaŭ deputataŭ, abranych u adziny dzień hałasavańnia.
Da hetaha miascovyja vybary pavinny byli prajści nie paźniej za 18 studzienia 2022 hoda. Paśla pryniaćcia papravak vybarčuju kampaniju pieraniasuć na 2023 h. i sumieściać z vybarami ŭ pałatu pradstaŭnikoŭ.
Heta vyrašaje prablemu ŭładaŭ pa praviadzieńni elektaralnaj kampanii va ŭmovach pratestavych nastrojaŭ u krainie.
U červieni premjer-ministr Raman Hałoŭčanka kazaŭ, što sumiaščeńnie vybaraŭ dazvolić zekanomić biudžetnyja srodki.
«Dla praviadzieńnia vybaraŭ u miascovyja saviety 2022 hoda spatrebicca 25 miljonaŭ rubloŭ. Pałova hetaj sumy ŭžo praduhledžana ŭ biudžecie na 2021 h. U vypadku realizacyi prajekta zakona hetyja srodki buduć zekanomlenyja», — kazaŭ tady Hałoŭčanka.
