Andrej Alaksandraŭ
#
Kali na nieba hladziš praz kraty,
nie bačyš krataŭ, a bačyš nieba.
Učorašni chleb pachnie ćvillu i strataj,
a zaŭtrašni pachnie sapraŭdnym chlebam.
Ty kažaš: nieba — padman aptyčny.
Ale padman —heta kraty, vier mnie!
Bo kraty — tolki chešteh,
jak zvyčka,
A hety chešteh zaraz prosta ŭ trendach.
Dy spravy niama da cheštehaŭ niebu,
pra trendy nieba zusim nie ŭ kursie,
jano pad nahami nie čuje hleby,
nie ličyć stahodździaŭ i chlebnych łustaŭ.
I nieba ciahnie abłokaŭ vatu
nad časam — adzinaje, što žyvie.
I nieba taksama nie bačyć krataŭ,
kali ŭhladajecca ŭ nieba ŭva mnie.
Adras dla listoŭ i pieravodaŭ: SIZA-1, Minsk. vulica Vaładarskaha 2, 220030 Alaksandraŭ Andrej Valerjevič
1
0
0
0
0
0
