Taksama Netflix zavioŭ ukrainskamoŭnyja staronki ŭ sacsietkach, paviedamiŭ ministr ličbavaj transfarmacyi Michaił Fiodaraŭ, piša Ukrainskaja praŭda.
Filmy i sieryjały na płatformie z hetaha času buduć dastupnyja nie tolki z subtytrami, ale i va ŭkrainskaj ahučcy.
«Netflix łakalizavany ŭ Ukrainie! Fantastyčnaja navina pierad vychodnymi. A my atrymali list ad Netflix z tym, što na płatformie ŭžo jość ukrainski interfiejs. Taksama kampanija aficyjna zapuściła damien netflix.ua i ŭkrainskamoŭnuju staronku ŭ Facebook i Instagram.
Abiacajuć jašče bolš dublažu i subcitraŭ na ŭkrainskaj. Dziela takich źmianieńniaŭ i pracujem», — napisaŭ ministr.
Va ŭkrainskim dublažy ciapier dastupnyja «Papiarovy dom», «Akademija Ambreła», «Seksualnaje vychavańnie», «Karona», «Fierzievy hambit» i inšyja sieryjały.
Karystalniki taksama mohuć źviarnucca da ŭkrainskamoŭnaj słužby padtrymki z 15:00 da 23:00 praz dadatak Netflix.
