Krynicy «Našaj Nivy» paviedamlajuć, što zahadčykam jurydyčnych kansultacyj siońnia pryjšoŭ zapyt z kalehii advakataŭ. Było skazana, što patrabujucca 30 advakataŭ, bo KDB zatrymaŭ 50 čałaviek pa 369 (Abraza pradstaŭnika ŭłady) i 130 (Raspalvańnie varožaści) Kryminalnaha kodeksa.
Pa infarmacyi vałancioraŭ, učora tolki ŭ Minsku było zatrymana 11 čałaviek.
Telehram-kanał «DW Biełaruś» sa spasyłkaj na svaje krynicy paviedamlaje, što pryčyna masavych zatrymańniaŭ — kamientary ab śmierci supracoŭnika KDB.
Nahadajem, učora ŭ efiry dziaržaŭnaha telekanała STB namieśnik kiraŭnika MUS Mikałaj Karpiankoŭ vykazaŭsia nakont tych, chto piša kamientaryi:
«I voś usie hetyja kamientatary. Paśla taho, što było skazana i pakazana, heta vorahi, ale heta vorahi asabliva cyničnyja, jakija zasłuhoŭvajuć tolki fizičnaha źniščeńnia i nijak inakš», — zajaviŭ Karpiankoŭ.
