Fota depositphotos.com

Fota depositphotos.com

Turkmienistan — adna ź piaci krain, jakija nie paviedamlali pra vypadki kavidu na svajoj terytoryi. Try astatnija — izalavanyja vostravy ŭ Cichim akijanie, a jašče adna — KNDR, inšaja zakrytaja azijackaja dziaržava, piša CNN.

Prezident Turkmienistana Hurbanhuły Bierdymuchamiedaŭ, što kiruje krainaj užo 15 hadoŭ, nazvaŭ paviedamleńni pra vypadki kavidu ŭ krainie falšyŭkaj. Adnak niezaležnyja arhanizacyi i aktyvisty za miežami Turkmienistana paviedamlajuć pra prykmiety poŭnamaštabnaj treciaj chvali epidemii ŭnutry krainy. Zhodna ź ich danymi, turkmienskija špitali pierapoŭnienyja chvorymi na kavid, a kolkaść achviaraŭ chvaroby naličvaje ŭžo dziasiatki ludziej.

Rusłan Miacijeŭ, turkmienski biežaniec i redaktar niezaležnaha vydańnia Turkmen News, paviedamlaje, što jon asabista sabraŭ imiony bolš za 60 ludziej, jakija nibyta pamierli ad kavidu ŭ Turkmienistanie. Aktyvist śćviardžaje, što ŭsie vypadki paćvierdžanyja praź miedycynskija zapisy i renthienaŭskija zdymki. Hetyja dakumienty śviedčać pra mocnaje paškodžańnie lohkich u zahinułych ludziej, a taksama pra ŭžytyja da ich mietady lačeńnia, padobnyja da zvyčajnaj terapii chvorych na kavid.

Hurbanhuły Bierdymuchamiedaŭ. Fota commons.wikimedia.org

Hurbanhuły Bierdymuchamiedaŭ. Fota commons.wikimedia.org

Turkmienskaja aktyvistka Dzijana Siarebranik raspaviała CNN, što miedyki-emihranty ź jaje pravaabarončaj arhanizacyi atrymlivajuć šmat infarmacyi ad kaleh unutry krainy, što dazvalaje bačyć realnuju situacyju z kavidam u Turkmienistanie. Pa jaje słovach, u krainie isnuje deficyt miedycynskaha kisłarodu i aparataŭ ŠVŁ, lačeńnie ad kavidu kaštuje vialikich hrošaŭ, a ličba zahinułych ad chvaroby moža składać tysiačy. Kali čałaviek pamiraje ad kavidu, u jaho karcie navat nie paznačajuć virus ci pnieŭmaniju jak pryčynu śmierci. Zamiest hetaha pišuć niejki nie źviazany z kavidam dyjahnaz nakštałt infarktu.

Kali ž kavid moh pryjści ŭ Turkmienistan? Miacijeŭ kaža, što pieršyja źviestki pra vypadki zachvorvańniaŭ stali dachodzić da jaho prykładna ŭ mai 2020 hoda. Krynicy raspaviadali pra dziŭnuju chvarobu lohkich, niečym padobnuju da hrypu, pry hetym na vulicy ŭ toj čas stajała śpioka ŭ 40 hradusaŭ — nie samaje typovaje nadvorje dla hrypu.

Čytajcie taksama: Infiekcyjanist Mikita Sałaviej bje tryvohu: Nie dazvalajcie spracavać naturalnamu adboru — marš na vakcynacyju!

U červieni 2020 hoda pasolstva ZŠA ŭ Turkmienistanie raspaviało pra toje, što niekatoryja ź miascovych žycharoŭ majuć simptomy kavidu, zdajuć testy na hety virus i traplajuć u karancin na 14 dzion. Ułady krainy adrazu ž abvierhli hetuju infarmacyju.

U lipieni 2020 hoda misija SAAZ nie zdoleła zafiksavać u Turkmienistanie vypadki kavidu, ale zaśviedčyła najaŭnaść vialikaj kolkaści vypadkaŭ vostraj reśpiratornaj infiekcyi i pnieŭmanii.

Narešcie, u studzieni 2021 hoda turkmienski ŭrad abviaściŭ pra toje, što ŭ krainie ŭchvalenaje vykarystańnie rasijskaj supraćkavidnaj vakcyny «Sputnik V». U červieni Suśvietny bank pahadziŭsia vydać Turkmienistanu kredyt u pamiery 20 miljonaŭ dalaraŭ jak častku prahramy pa «prafiłaktycy, vyjaŭleńni i reahavańni na pahrozy, vyklikanyja virusam kavidu».

Šmat aŭtarytarnych krain pryznali najaŭnaść vypadkaŭ kavidu na svajoj terytoryi. Čamu ž Turkmienistan vybraŭ inšy šlach?

Aktyvisty śćviardžajuć, što sprava ŭ kiraŭniku krainy, jaki vyrašyŭ zamoŭčvać prablemu, kab zachavać svoj imidž. Kali b Bierdymuchamiedaŭ pryznaŭ najaŭnaść virusa ŭ Turkmienistanie, heta mahło b padstavić jaho pad publičnuju krytyku, a ŭ pierśpiektyvie i prymusić jaho nieści adkaznaść za padziei ŭ krainie.

U stacyjanarach krainy ŭ 2020 hodzie pamierła na 40% bolš pacyjentaŭ, čym u 2019 hodzie

Клас
0
Панылы сорам
0
Ха-ха
0
Ого
0
Сумна
0
Абуральна
0