U pieršym vypusku viadoŭcy jeduć pa maršrucie Lepiel — Sachnovičy — Ušačy — Połack i emacyjna dzielacca ŭražańniami ad miaścin i ludziej.
Pradstaŭniki TikTok-pakaleńnia «Buś Biełaruś» adkryvajuć nievialikija harady i miastečki, znajomiacca z tymi, chto rupicca pra zachavańnie spadčyny, dbaje ab pryhažości małoj radzimy ci chaj sabie prosta žyvie tut.
«My nie prosta pakazvajem architekturnyja pomniki, raspaviadajem historyi sivoj daŭniny, ale šukajem emocyi ŭ sučasnaści, załazim u zakinutyja budynki i… sprabujem zamović kavu z raślinnym małakom», — tłumačać viadoŭcy.
Jak i čym žyvuć, pra što dumajuć i marać biełarusy ŭ roznych kutkach krainy? Miascovyja hieroi i haradskija dzivaki, supolnaści i jarkija inicyjatyvy adzinočak, tradycyi dy sučasnyja historyi. Pra ŭsio heta ŭ vypuskach treveł-błoha «Buś Biełaruś» — abiacajuć stvaralniki.
