Patryjarch Kirył uźvioŭ jepiskapa Antonija (sprava) u ranh archijepiskapa. Fota church.by.
Telekanał «Spas» prosta vyrazaŭ usiu kazań, pakinuŭšy tolki sprobu patryjarcha apraŭdacca pry kancy słužby — užo paśla ŭručeńnia ŭznaharod.
Telekanał «Sajuz» vyrazaŭ pačatak propaviedzi z zapisu,
ale jana zastałasia ŭ jutubaŭskim zapisie nabaženstva.
U svajoj kazani patryjarch Kirył akramia taho pierabłytaŭ Kulikoŭskuju bitvu z Baradzinskaj i skazaŭ, što Kulikoŭskaja bitva skončyłasia ŭničyju, a nie pieramohaj rasijskich vojskaŭ nad armijaj Mamaja.
U čas hetaj słužby jepiskap Hrodzienski i Vaŭkavyski Antonij byŭ uźviedzieny ŭ ranh archijepiskapa. Nahadajem, što jon źmianiŭ na pasadzie archijepiskapa Arciemija, adpraŭlenaha na spačynak, paśla taho jak toj asudziŭ falsifikacyju vybaraŭ i palityčnyja represii.
Na «suhubaj jekcienii» 21 vieraśnia byli ŭźniesienyja malitvy ab vyzvaleńni ad karanavirusnaj infiekcyi, a taksama prašeńnie ab daktarach: «Prizri, Vładyko Čiełoviekolubčie, na žiertviennyj podvih vračiej našich, posłi im zdraviie niepokolebimoje, siłu i krieposť ducha, mudrosť k sovieršieniiu trudov vo błaho naroda našieho i sotvori čriez nich iścieleniie stražduŝim rabom Tvoim, priležno mołim Ti sia, skoro usłyši i pomiłuj».
Paśla jekcienii Patryjarch uźnios malitvu, «vo vriemia rasprostranieniia vriedonosnoho povietriia čtomuju», napisana ŭ aficyjnym paviedamleńni.
Čytajcie taksama:
«Reputacyja niejtralnaja, ale jon jedzie raspraŭlacca ź niazhodnymi»: što viadoma pra novaha jepiskapa Hrodzienskaha Antonija
«Usio, što spuščana źvierchu, — usio śviatoje». Archijepiskap Arciemij raskryŭ, čamu staŭ niepažadanym dla RPC
