«Prymianiajem tyja vakcyny, jakija zarehistravany i dastupny ŭ Biełarusi, — prakamientavaŭ Karanik. — «Sputnika V» u nas naładžana vytvorčaść, z kitajskaj vakcynaj, z ulikam siabroŭskich adnosin z Kitajem, jość mahčymaść pry vostrym deficycie vakcyn u śviecie nabyvać jaje.
Nakont raznastajnaści.
Dla rehistracyi vakcyny patrebny zvarot vytvorcy. Pfizer nie źviartaŭsia, bo jany adčuvajuć surjoznuju prablemu zadavolić popyt, jaki jość u śviecie»
Vakcynacyja ŭ nas vykarystoŭvajecca pierš za ŭsio, kab asłabić ciačeńnie chvaroby i nie davodzić jaje da ciažkaj formy.
«Efiektyŭnaść «Sputnika V» suprać raźvićcia chvaroby pa roznych źviestkach ad 88 da 97%, ad ciažkich formaŭ zachvorvańnia — ad 95 da 99%. U nas jašče nie tatalnaja vakcynacyja (całkam pryščeplena 15,4% nasielnictva. — «NN»), tamu ludzi chvarejuć, jak vakcynavanyja, tak i nie.
A kali paraŭnalnuju statystyku pryvieści, to siarod tych, chto znachodzicca ŭ adździaleńniach intensiŭnaj terapii, vakcynavanych 3%, a na ŠVŁ — nivodnaha», — ahučyŭ ličby Karanik.
Pa jaho słovach, ciapier nahruzka na sistemu achovy zdaroŭja ŭ try razy nižejšaja, čym była ŭ pikavyja značeńni papiarednich chvalaŭ.
«Našeńnie maski ŭ hramadskich miescach — prajaŭleńnie adkaznaści», — vykazaŭsia hubiernatar.
Fota Uładzimira Blinava, «Vajar»
Padčas strymu kazałasia taksama, što dystancyjnaje navučańnie va ŭniviersitetach ci inšyja abmiežavalnyja miery buduć abmiarkoŭvacca.
Hledačy tranślacyi zadavali ŭ tym liku niazručnyja pytańni: kali buduć adkryty naziemnyja miežy, čamu čynoŭniki źjaŭlajucca na mierapryjemstvach biez masak, ci buduć admienieny masavyja mierapryjemstvy, jaki prahnoz pa čaćviortaj chvali. Ale adkazu na ich nie prahučała.
Čytajcie taksama:
U Biełaruś pryjšła novaja chvala kavidu. Ale ŭłady praciahvajuć ładzić masavyja mierapryjemstvy biez masak
