Dźmitryj Pinievič zaŭvažyŭ, što z epidemičnaha punktu hledžańnia hetaja vakcyna ničym nie lepšaja, čym najaŭnyja ŭ krainie. Bolš taho, jość roznyja publikacyi, jakija śviedčać, što mienavita viektarnyja vakcyny (hetaha typu rasijski «Sputnik») nibyta farmujuć bolš vyražany postvakcynalny imunitet. Nieabchodnaść u Pfizer uźnikaje tolki tady, kali ludzi chočuć vyjechać za miažu pa słužbovych spravach abo ŭ turpajezdku ŭ tyja krainy, u jakich «Sputnik» abo kitajskaja vakcyna nie pryznajucca.
«Tamu my zadajom pytańnie turapierataram: kolki, pa vašych raźlikach, asob, jakija zachacieli b pryščapicca Pfizer z ulikam taho, što heta RNKovaja vakcyna? Praviadzicie apytańnie, i tady budziem stavić pytańnie ab jaje zakupcy», — skazaŭ ministr.
Pavodle jaho słoŭ, niełahična zakuplać vakcynu, jakaja značna daražejšaja. Pry tym, što jana nie maje klinična značnych pakazčykaŭ, jakija adroźnivajucca ŭ bok bolšaj efiektyŭnaści, śćviardžaje jon.
Cikava, što ŭ źlitych u sieciva razmovach miedycynskija čynoŭniki znachodziać dla svaich znajomych aryhinalnyja rasijskija pryščepki zamiest vakcyn biełaruskaj vytvorčaści. Pinievič ža na publiku śćviardžaje, što ŭsie vakcyny adnolkava karysnyja.
Čytajcie taksama: Pfizer dla krain ź siarednim uzroŭniem dachodu budzie kaštavać jak «Sputnik», dla biednych — jašče tańniej
