Praces uchvaleńnia «Sputnika» byŭ prypynieny, bo padčas inśpiekcyi na adnym z zavodaŭ, dzie vyrablajecca vakcyna, było vyjaŭlena, što jon nie adpaviadaje standartam GMP (Good Manufacturing Practice, mižnarodny standart naležnaj vytvorčaj praktyki), zajaviŭ u sieradu, 15 vieraśnia, pamočnik dyrektara Panamierykanskaj arhanizacyi achovy zdaroŭja Žarbas Barbosa.
Pa jaho słovach, praces prypynieny da tych časoŭ, pakul vytvorcy nie prymuć nieabchodnyja miery i nie praviaduć novuju pravierku.
«Sputnik» — heta pieršy rasijski lekavy preparat, jaki razhladajecca na takim hłybokim uzroŭni i da jakoha prykavana suśvietnaja ŭvaha», — kaža Illa Jasny, kiraŭnik navukovaj ekśpiertyzy vienčurnaha farmaceŭtyčnaha fondu Inbio Ventures.
U Rasii raniej nie było vopytu vyviadzieńnia na rynak z raźvitym rehulavańniem (u pryvatnaści, na rynak Jeŭrasajuza) raspracavanych u krainie lekavych preparataŭ, tłumačyć ekśpiert.
«Łahična, što nie chapaje śpiecyjalistaŭ, vopytu, kampietencyj, kab adrazu zrabić usio pravilna», — kaža Jasny.
Vyjaŭlenyja na vytvorčaści parušeńni mohuć być nie vielmi surjoznymi abo čysta dakumientalnymi, ale tym nie mienš, z punktu hledžańnia SAAZ, heta ŭsio roŭna parušeńni, miarkuje ekśpiert.
«Ich možna likvidavać. Ja dumaju, što ŭrešcie možna damahčysia [ŭchvały SAAZ]. Treba ŭsiaho tolki prytrymlivacca pravił, pa jakich pracujuć u Jeŭrasajuzie», — ličyć ekśpiert.
Pakolki ŭ Rasii zvyčki pa ich pracavać niama, uźnikajuć takija prablemy, kaža jon. Na dumku Jasnaha, dla likvidacyi pretenzij i ŭchvaleńnia vakcyny moža spatrebicca nie mienš za dva miesiacy.
Kali vyjaŭlenyja na zavodzie prablemy źviazanyja z ačyščalnymi zbudavańniami i kali zajaŭka padavałasia tolki na vytvorčuju placoŭku «Farmstandart-UfaVITA», to na likvidacyju pretenzij SAAZ moža spatrebicca kala paŭhoda, ličyć hiendyrektar lekavaj ekasistemy PharmaSpace Hierman Inšaziemcaŭ.
«Vytvorčuju liniju, asabliva ŭ tym, što tyčycca ačyščalnych zbudavańniaŭ, nie tak lohka pieranaładzić. Kali pytańni da hetych momantaŭ, to za dva-try miesiacy heta nie vypravić», — miarkuje jon.
Jon adznačaje, što nie razumieje, čamu nielha było ŭchvalić «Sputnik», vyrableny na inšych placoŭkach.
Kali zajaŭku na ŭchvaleńnie pa inšych placoŭkach padavali, to jano moža adbycca ŭ luby momant, vierahodna, što ŭ kastryčniku — listapadzie, kaža Inšaziemcaŭ.
