— U internecie asobnymi resursami raspaŭsiudžvajecca infarmacyja ab tym, što nibyta ad imia padatkovych orhanaŭ indyvidualnym pradprymalnikam prychodzić rassyłka ab nieabchodnaści rehistracyi jurydyčnaj asoby dla ažyćciaŭleńnia pradprymalnickaj dziejnaści. Ministerstva pa padatkach i zborach paviedamlaje, što hetaja infarmacyja źjaŭlajecca niedakładnaj. Nijakaj rassyłki z padobnaj infarmacyjaj padatkovymi orhanami nie ažyćciaŭlałasia, — rastłumačyli ŭ viedamstvie.
Raniej stała viadoma, što dla indyvidualnych pradprymalnikaŭ mohuć pierahledzieć padatki, ciapier ułady abmiarkoŭvajuć takuju mahčymaść. Siarod mahčymych varyjantaŭ — admianić adziny padatak i sproščanaje padatkaabkładańnie. Hetyja mahčymyja novaŭviadzieńni paciahnuć rost padatkaŭ, a taksama mohuć spravakavać skaračeńnie kolkaści IP, jak prahnazujuć sami biznesmieny. Tym časam u krainie ŭžo ciapier stanovicca mienš pradprymalnikaŭ, jakija zaniatyja ŭ handli. Pry hetym ipešniki praciahvajuć sastupać rynak handlovym sietkam.
Tym časam u Minsku pa-raniejšamu nie rehistrujuć novych IP, pasłuha niedastupnaja z 17 žniŭnia. U Minharvykankamie raniej tłumačyli heta techničnymi pryčynami.
