Hurt «Fabryka». Fota z sacsietak

Hurt «Fabryka». Fota z sacsietak

Samy vialiki punkt raschodaŭ — hanarar dla rasijskaha hurta «Fabryka». Kab pryvieźci ich, patrebna 61 580 rubloŭ. Mienavita taki tendar źjaviŭsia na sajcie dziaržzakupak ad Minskaha abłasnoha centra narodnaj tvorčaści. 

Na kancercie taksama vystupiać Alaksandr Saładucha (jaho hanarar — 2600 rubloŭ), Alena Łanskaja (1700 rubloŭ), Hierman Citoŭ (3000 rubloŭ). Viadučaj «Dažynak» budzie Palina Šuba — na apłatu jaje pasłuh zakładziena 1500 rubloŭ. 

Ahułam na arhanizacyju śviata ŭ Kapyli (hanarary artystaŭ, pašyŭ kaściumaŭ, afarmleńnie sceny) płanujuć patracić bolš za 103 tysiačy rubloŭ biudžetnych hrošaj.

Letaś na śviatkavańnie abłasnych «Dažynak» u Červieni patracili 53,6 tysiačy rubloŭ

Nahadajem, da 2015 hoda ŭ Biełarusi pravodzilisia respublikanskija «Dažynki». Adnak paśla śviata ŭradžaju stali prachodzić u kožnaj vobłaści asobna.

U Bresckaj vobłaści «Dažynki» ŭžo prajšli. Ich prymaŭ haradski pasiołak Łahišyn.

Jašče adbuducca «Dažynki» ŭ Pietrykavie (Homielskaja vobłaść), haradskim pasiołku Šumilinie (Viciebskaja), Skidzieli (Hrodnienskaja).

A voś u Mahiloŭskaj vobłaści śviatkavać źbirajucca ŭ kožnym rajcentry.

Клас
0
Панылы сорам
0
Ха-ха
0
Ого
0
Сумна
0
Абуральна
0