Fota flickr.com

Fota flickr.com

Dźmitryj Rahozin, kiraŭnik rasijskaha ahienctva «Raskosmas», zaprasiŭ hiendyrektara SpaceX Iłana Maska sustrecca ŭ Rasii ŭ siabie doma. Niečakanaja zajava prahučała u intervju Rahozina dla CNN.

Kiraŭnik «Raskosmasa» ŭ razmovie z žurnalistami paviedamiŭ, što Mask ažyćciaŭlaje šmat idej, jakija chacieli b ažyćciavić pradstaŭniki rasijskaj kaśmičnaj industryi. Ruskija nibyta nie zdoleli heta zrabić praz adkat u kaśmičnaj prahramie, jaki zdaryŭsia paśla raspadu SSSR, piša Daily Mail.

Rahozin dadaŭ, što jon zaprašaje Maska da siabie dachaty, kab pahutaryć pra daśledavańnie Suśvietu, pazaziamnoje žyćcio i toje, jak možna vykarystoŭvać kosmas, kab abaranić žyćcio na Ziamli. U dadatak šef rasijskaj kasmanaŭtyki paviedamiŭ, što jon «užo pastaviŭ čajnik».

Mask adkazaŭ na zaprašeńnie Rahozina ŭ tvitary: padziakavaŭ i spytaŭ, jaki čaj bolš padabajecca rasijskamu mieniedžaru. U adkaz toj prapanavaŭ pačać ź lubimaha čaju svajoj babuli i raźmiaściŭ fota čaja «Try siabroŭskija słany».

Nie ŭsie karystalniki tvitaru acanili pierapisku mieniedžaraŭ kaśmičnych industryj. Tak, u kamientarach da tvitu Rahozina hučali pytańni pra toje, ci budzie prysutničać na sustrečy Navalny (rasijski palityk, byŭ atručany hod tamu), a taksama ci budzie čaj źmiaščać pałonij (adsyłka da inšych historyj atručvańnia, źviazanych z rasijskimi śpiecsłužbami).

U hutarcy z CNN Rahozin taksama vykazaŭ pažadańnie, kab rasijskija aliharchi bolš invieściravali ŭ kaśmičnuju industryju zamiest taho, kab tracić hrošy na jachty. Kiraŭnik «Raskosmasa» spadziajecca, što dzieci ciapierašnich rasijskich milijanieraŭ pakažuć u hetym płanie bolš mudraści.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?