Kala 12.00 25 žniŭnia ŭ ofis firmy «Ikvadart» pryjšli siłaviki ŭ ekipiroŭcy. Dyrektara studyi Hleba Kojpiša vyvieli sa studyi ŭ kajdankach. Imavierna, jon zatrymany. Kim i pa jakoj spravie — pakul nieviadoma, piša Hrodna.life.

Sam Hleb paśpieŭ napisać «Pryjšli» ŭ svaim akaŭncie ŭ Facebook kala 13.30. Jaho telefon vyklučany, telefon firmy pieranakiroŭvaje na hałasavuju poštu.

Siłaviki taksama kanfiskavali techniku i dakumienty.

Hleb Kojpiš — dyrektar studyi «Ikvadart», jakaja ŭvachodzić u top-10 najlepšych veb-studyj Biełarusi i pracuje z 2004 hoda. Jamu 35, žanaty, dvoje dziaciej. Kojpiš zapisaŭ zvarot da ŭłady pierad vybarami — 2020. Paśla źbićcia 10 žniŭnia 2020 hoda Hleb trapiŭ u traŭmapunkt. Jamu admovili ŭ zaviadzieńni kryminalnaj spravy pa hetym fakcie.

Клас
Панылы сорам
Ха-ха
Ого
Сумна
Абуральна