Fota pixabay.com.
Anłajn-placoŭka Airbnb, jakaja dapamahaje arandavać pryvatnaje žyllo va ŭsim śviecie, dapamoža raźmiaścić da 20 tysiač biežancaŭ z Afhanistana. Kampanija budzie supracoŭničać sa svaimi karystalnikami, jakija pažadajuć biaspłatna raźmiaścić u siabie ŭciekačoŭ, abo z tymi, chto budzie hatovy prapanavać im žyllo sa źnižkaj. U druhim vypadku ŭsie vydatki, jak i apieratyŭnyja raschody, na siabie voźmie dabračynnaja arhanizacyja. Brajan Česki, suzasnavalnik i vykanaŭčy dyrektar Airbnb, taksama budzie finansavać akcyju kampanii.
Česki spadziajecca, što dziejańni Airbnb natchniać kiraŭnikoŭ inšych kampanij na anałahičnyja dabračynnyja prajekty, piša Guardian.
Resurs Airbnb.org — niekamiercyjnaja halina asnoŭnaj kampanii — byŭ stvorany ŭ kancy minułaha hoda z metaj dapamahać znachodzić terminovaje žyllo dla ludziej va ŭmovach kryzisaŭ. Ideja prapanoŭvać žyllo biaspłatna, adnak, źjaviłasia jašče raniej. U 2012 hodzie padčas urahanu Sendzi adna z karystalnic płatformy pažadała prapanavać žyllo paciarpiełym ad stychii, i kampanija chutka padchapiła ideju. Z taho času bolš za 75 tysiač čałaviek atrymali takuju padtrymku praz kaardynacyju Airbnb.
