Dyrektara i hałoŭreda BiełaPAN Irynu Leŭšynu, buchhałtara Kaciarynu Bojevu i eks-dyrektara Dźmitryja Navažyłava 23 žniŭnia ŭ IČU na Akreścina naviedali advakaty. Pra heta BiełaPAN raspaviali svajaki zatrymanych.
Usie troje badzioryja. Leŭšyna i Bojeva nie całkam atrymali pieradačy. Im addali tolki srodki hihijeny, a Leŭšynaj jašče paŭbutelki vady.
Hałoŭredu BiełaPAN nie vydali matrac i padušku, u kamiery ź joj była jašče adna žančyna. U Navažyłava u kamiery čatyry čałavieki.
28 žniŭnia zakančvajecca 10 sutak z momantu zatrymańnia supracoŭnikaŭ BiełaPAN. Da hetaha dnia pavinny vyrašyć: vyzvalić ich ci ŭžyć mieru strymańnia.
Leŭšyna, Bojeva, Navažyłaŭ zatrymanyja 18 žniŭnia paśla pieratrusaŭ doma i ŭ ofisie kampanii. Ich padazrajuć u ździajśnieńni złačynstva pa art. 342 KK (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich).
