Niamiecka-šviejcarskaja pravaabarončaja arhanizacyja Libereco praviała hruntoŭnaje daśledavańnie, pradukcyja jakich firmaŭ rekłamujecca na troch dziaržaŭnych telekanałach Biełarusi ŭ najlepšy viačerni čas, u tym liku niepasredna da, paśla i padčas palityčnych prahram i vypuskaŭ navin, i pryjšła da vysnovy, što dźvie traciny rolikaŭ prypadajuć na zachodnich vytvorcaŭ.

Na druhoje miesca ŭ hetym śpisie trapiŭ šviejcarski hihant Nestlé. Vydańnie DW dasłała z hetaj nahody zapyt u hałoŭny ofis kampanii. U adkazie pres-słužby prysutnaść na dziaržaŭnych telekanałach tłumačycca tak: «Adsutnaść alternatyŭnych kanałaŭ i šyroki asartymient našaj pradukcyi pryviali da prykmietnaj prysutnaści brendaŭ Nestlé na nacyjanalnych telekanałach krainy».

Razam z tym najbujniejšy ŭ śviecie vytvorca praduktaŭ charčavańnia Nestlé zapeŭnivaje, što istotna pamienšyŭ abjomy svajoj rekłamy na biełaruskich dziaržaŭnych telekanałach. «My ŭvažliva sočym za raźvićciom padziej u Biełarusi i, naturalna, rehularna praviarajem našu rekłamnuju palityku i karparatyŭnuju kamunikacyju. U vyniku hetych rehularnych pravierak my ŭžo značna skaracili rekłamny biudžet dla Biełarusi», — paviedamiła 6 žniŭnia ŭ adkaz na zapyt DW pres-słužba šviejcarskaj kampanii.

Клас
Панылы сорам
Ха-ха
Ого
Сумна
Абуральна