1. Kali vy chočacie, kab usie apłačanyja vami zamovy zachoŭvalisia ŭ vašym asabistym kabiniecie i vy mahli ŭ luby čas zajści ŭ akaŭnt i pahladzieć, jaki časopis na jaki pieryjad vy vypisali, to pierš čym rabić zamovu, aŭtaryzujciesia. Naciśnicie na ikonku karystalnika sprava ad łahatypa «Našaj kramy» i ŭvajdzicie albo praz łohin i parol, albo praz fejsbuk. Kali vy karystajeciesia VPN, to aŭtaryzacyja moža pracavać sa zbojami, bo sajt nie zmoža vas identyfikavać.
2. Abiarycie časopis, na jaki vy chočacie padpisacca.
Za adzin raz vy možacie aformić padpisku z dastaŭkaj na adzin adras. Kali vy chočacie, naprykład, vypisać časopis spačatku sabie ŭ Minsk, a paśla jašče i baćkam u Hrodna, to vam treba budzie aformić dźvie padpiski. U toj ža čas vy možacie vypisać lubuju kolkaść numaroŭ i atrymlivać u svaju paštovuju skryniu, naprykład, adrazu piać numaroŭ «Našaj historyi» i dalej samastojna pieradavać časopis blizkim.
3. Abiarycie pieryjad padpiski.
Vy možacie abrać adrazu paŭhoda albo hod — miesiacy vyłučacca aŭtamatyčna. Taksama vy možacie advolna abirać miesiacy, kali chočacie atrymlivać časopis.
4. Vy možacie pavialičyć kolkaść asobnikaŭ, kali chočacie atrymlivać bolš, čym adzin numar na miesiac.
5. Zapoŭnicie ankietu, kali chočacie, kab časopis apynaŭsia ŭ vašaj paštovaj skryni.
Abaviazkovyja pali adznačanyja zoračkaj.
6. Kali ž vy chočacie zabirać časopis samastojna ŭ Minsku ŭ kniharni «Halijafy» (Niamiha, 3, cokalny pavierch, paviljon 47, PN-NDZ z 11:00 pa 20:00), nie pakidajučy źviestak pra adras dastaŭki, to adznačcie heta pierad zapaŭnieńniem ankiety. Častka paloŭ źniknie.
7. Kab knopka «Apłacić kartkaj» stała aktyŭnaj, vam nieabchodna zhadzicca z karystalnickim pahadnieńniem i z apracoŭkaj piersanalnych źviestak.
8. Uviadzicie danyja kartki i zrabicie apłatu.
Paśla paśpiachovaj apłaty vam na poštu pryjdzie list-paćviardžeńnie zamovy.
Voś i ŭsio — čakajcie časopis, jon abaviazkova apyniecca ŭ vašaj paštovaj skryni.
Niekalki pytańniaŭ i adkazaŭ
— Ci buduć praciahvacca prodažy novaha numara časopisa raz na miesiac na Enhielsa, 34a?
— Tak, my płanujem praciahvać takuju praktyku. Pra daty budziem paviedamlać na sajcie i ŭ sacyjalnych sietkach.
— Ci mahčyma vypisać časopisy za miažu?
— Pakul nie. Dastaŭku za miežy Biełarusi ažyćciaŭlajuć internet-kramy Knihi.by, Kniganosha.by, Halijafy.by, Kniger.by, Ragna.by. Albo možacie zakazać PDF-viersiju praz kramu Arche.
— Ci mahčyma padpisać palitviaźniaŭ?
— U bolšaści kałonij i SIZA prapuskajuć tolki haziety-časopisy, vypisanyja praz katałoh Biełpošty. Časopis možna pasprabavać pieradać tolki praz advakata, sa zhody śledčaha.
— Kali ŭ mianie zastalisia pytańni, kamu ich zadać?
— Pytańni, prapanovy, pažadańni možna dasyłać na poštu [email protected]. Kali chočacie što-niebudź udakładnić pa svajoj zamovie, možacie telefanavać nam pa numary +375 33 311 28 43. Nam budzie praściej, kali vy budziecie zvanić ad 14:00 da 20:00.
Zaprašajem u Nashakrama.by!
Dziakuj, što vy z nami!
