Futbalisty zbornaj Słavakii pieramahli kamandu Polščy ź likam 2:1.
Lik byŭ adkryty na 18-j chvilinie hulni, kali miač paśla ŭdaru forvarda słavakaŭ Robierta Maka trapiŭ u stojku varot, a potym rykašetam ad polskaha hałkipiera Vojciecha Ščasnaha ŭlacieŭ u sietku.
Adrazu paśla adnaŭleńnia hulni palaki zdoleli vyraŭniać stanovišča: dakładny ŭdar nanios Karal Liniety. Polskaja kamanda praciahvała atakavać, ale nie zmahła raźvić svoj pośpiech.
Na 69-j chvilinie paśla padačy miača z vuhłavoha ŭdaru hoł zabiŭ abaronca słavackaj kamandy Miłan Škryńjar.
Čechija dziakujučy dublu Patryka Šyka pieramahła ŭ startavym matčy hrupavoha etapu Jeŭra-2020 Šatłandyju.
U matčy Ispanii i Šviecyi pieramožcy niama, hulnia skončyłasia ničyjoj, niahledziačy na tatalnuju pieravahu ispancaŭ.
