Padavać dakumienty na vizy treba budzie ŭściaž u konsulstvy pa miescy žycharstva. Rasparadžeńnie maje na mecie spraščeńnie atrymańnia viz i takim čynam padtrymku tych biełarusaŭ, chto choča pryjechać u Polšču. Dakumient ustupaje ŭ siłu 14 červienia 2021 hoda.
Dahetul vizavymi pytańniami zajmalisia konsuły, ciapier takoje prava nadajecca ministru zamiežnych spraŭ. Miarkujecca, što pracedura atrymańnia viz pavinna stać zručniejšaj i chutčejšaj.
Biełaruś — pakul adzinaja kraina, hramadzianam jakoj Polšča dazvoliła atrymańnie viz praz MZS. Jak budzie vyhladać usia pracedura, i jakimi buduć terminy — pakul dakładna nie viadoma.
