Alaksiej Nikolski, pres-słužba prezidenta RF / TASS
Pra heta paviedamiŭ u čaćvier žurnalistam pres-sakratar prezidenta Rasii Dźmitryj Piaskoŭ, piša TASS.
«Dumaju, što prezident Łukašenka ŭsio-taki prainfarmuje našaha prezidenta ab historyi z samalotam [Ryanair], — skazaŭ jon. — Napeŭna, budzie zakranacca pytańnie rasijskaj hramadzianki, jakaja była zatrymanaja i znachodzicca ŭ śledčym izalatary ŭ Minsku».
Razam z tym, pa słovach Piaskova, u asnoŭnym paradak dnia sustrečy ekanamičny. «Praciahniecca abmierkavańnie roznych tem, źviazanych z ekanomikaj», — adznačyŭ pres-sakratar rasijskaha lidara.
Piaskoŭ adznačyŭ, što rasijski bok de-jure moža padniać pytańnie ab pieravodzie Sapieha ź Biełarusi ŭ Rasiju. «De-jure, biezumoŭna, [rasijski bok] moža padniać hetaje pytańnie, — skazaŭ jon. — U lubym vypadku budziem rabić usio nieabchodnaje dla abarony pravoŭ rasijskaj hramadzianki».
«Uličvajučy asablivy charaktar našych miždziaržaŭnych adnosin, hetaja abarona pravoŭ moža ažyćciaŭlacca ŭ samych roznych farmatach», — dadaŭ pres-sakratar rasijskaha lidara.
U toj ža čas, pa słovach Piaskova, pakul ab jakich-niebudź kankretnych prapanovach pa hetaj temie jamu nie viadoma.
