«Učora prynieśli list z Hienprakuratury ad 04.05 ab tym, što jana vystaviła mnie sa «zmoŭščykami» pazoŭ na 3,078 miljona rubloŭ, a taksama list ź Viarchoŭnaha suda ab pieradačy našaj «spravy» ŭ Homielski abłasny sud, — napisaŭ Mikałaj Statkievič z Žodzina. — Raniej čuŭ, što Hienprakuratura ŭžo nakłała aryšt na majomaść koštam 2 miljony dla zabieśpiačeńnia pazovu».

Atrymlivajecca, što sumu pazovu musiać spahnać z šaściarych fihurantaŭ spravy. Suma bujnaja — heta prykładna $1,2 miljona dalaraŭ. 

Ale jak hetyja hrošy buduć spahaniacca z šaści čałaviek? 

«Naša Niva» źviarnułasia pa tłumačeńnie da advakata Antona Hašynskaha.

Jon raspavioŭ, što ŭ takich vypadkach usie, kaho pryznajuć vinavatymi, pavinny kampiensavać škodu salidarna.

«Pry salidarnaj adkaznaści kožny z daŭžnikoŭ adnolkava adkazvaje za doŭh — kredytor maje prava patrabavać viartańnia doŭhu jak ad usich salidarnych daŭžnikoŭ sumiesna, tak i ad luboha ź ich paasobku, — tłumačyć Hašynski. — Sud pastanović spahnać sumu salidarna, majomaść abvinavačanych zabrać u košt pahašeńnia škody. A dalej užo sudovyja vykanaŭcy buduć spahaniać».

Ale što rabić, kali ŭ niejkaha fihuranta spravy zusim niama hrošaj? U takich vypadkach nieabchodnuju sumu buduć «nabirać» sychodziačy z mahčymaściaŭ kožnaha fihuranta. Umoŭna kažučy, ź Cichanoŭskaha spahoniać tyja lehiendarnyja $900 tysiač dalaraŭ, jakija znajšli za kanapaj, sa Statkieviča i inšych — toje, što zmohuć znajści ŭ kožnaha. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?