Aŭtamabil Andreja ŭsio jašče znachodzicca na štrafstajancy — idzie pravierka. Techniku, akramia fłeškarty, jamu viarnuli. Siem sutak z 15 Andrej pravioŭ adzin u kamiery. Ź pieradačy jamu pryniali tolki adzieńnie — inšaje, pa słovach supracoŭnikaŭ, było «nie pałožana». Siem sutak Andrej admaŭlaŭsia ad ježy z-za ŭmoŭ utrymańnia. Žonka videaapieratara adznačyła, što jon schudnieŭ.
Andreja Frałova zatrymali ŭviečary 4 traŭnia ŭ Biarozaŭcy i źmiaścili u Lidski izalatar časovaha ŭtrymańnia. Da suda jon znachodziŭsia tam. Sud nad hrodzienskim videaapierataram prajšoŭ 7 traŭnia ŭ Lidskim rajonnym sudzie. Jon atrymaŭ 15 sutak administracyjnaha aryštu i štraf u 30 bazavych vieličyń (870 rubloŭ).
Andreja Frałova sudzili pa č. 3 art 23.5 (Niezakonnyja vyrab abo raspaŭsiud pradukcyi ŚMI) i art. 24.3 (Niepadparadkavańnie zakonnamu rasparadžeńniu ci patrabavańniu słužbovaj asoby) KaAP. Spravu razhladaŭ sudździa Maksim Fiłataŭ. Heta jon asudziŭ aktyvista ź Biarozaŭki Vitolda Ašurka na piać hadoŭ kałonii.
