Papularnaja staličnaja kniharnia «Akademkniha», jakaja naležyć Akademii navuk (staršynia prezidyuma Uładzimir Husakoŭ, sakratar Adździaleńnia humanitarnych navuk i mastactvaŭ Alaksandr Kavalenia) taksama spyniła prodaž časopisaŭ «Naša historyja», «Dudu» i «Aściarožna: dzieci!».
Heta adbyłosia śledam za razryvam supracoŭnictva ź dziaržaŭnymi «Biełsajuzdrukam», «Biełpoštaj» i «Biełknihaj». U kožnaj struktury svaja matyvacyja admovy, ale adnačasovaść pakazvaje, adkul rastuć nohi.
Napeŭna, takim sposabam ułady cisnuć na «Našu Nivu». U vyniku ž cierpiać vydatnyja biełaruskamoŭnyja časopisy, čytačy aburanyja dziejańniami ŭładaŭ, a dziaržaŭnyja raspaŭsiudnickija struktury hublajuć reputacyju i hrošy.
Kab vy ŭjavili pamier finansavych strat dla ich: «Akademkniha» za pieršyja 4 dni prodažu novaha numara pradała 147 asobnikaŭ, «Biełsajuzdruk» štomiesiac na prodažy tolki «Našaj historyi» zarablaŭ by kala 3500 rubloŭ i h. d.
Nahadajem, što na 5-y i 6-y miesiacy na vydańnie jašče možna padpisacca praz «Biełpoštu», a na druhoje paŭhodździe padpiska ŭžo budzie praz Redakcyju, i my sami budziem razvozić časopis padpisčykam.
Čytajcie ž pa-biełarusku. Čytajcie razumnyja vydańni, jakija raźvivajuć vas i vašych dziaciej intelektualna i estetyčna.
Mikoła Jermałovič, jaki viarnuŭ biełarusam VKŁ. Novy numar «Našaj historyi» i dzie jaho kupić
