Makienzi Skot i Den Džuet z sajta Giving Pledge
Makienzi Skot i Džef Biezas razam vučylisia ŭ Prynstanie. Jana dapamahła svajmu byłomu mužu zasnavać kampaniju Amazon u 1994 hodzie.
Kali jany razvodzilisia, joj dastałasia čaćviortaja častka doli Biezasa ŭ «Amazonie» (praŭda, prava hołasu za hetuju dolu zastałosia za Biezasam).
U 2020 hodzie Makienzi Skot była najbahaciejšaj žančynaj u śviecie. Na siońnia jaje majomaść aceńvajecca ŭ $53 miljardy, piša The Wall Street Journal.
Para paviedamiła pra svoj šlub na sajcie Giving Pledge. Heta sajt dla miljarderaŭ, jakija publična abiacajuć addać na dabračynnaść bolšuju častku svajho bahaćcia.
Paśla razvodu žančyna pačała aktyŭna zajmacca dabračynnaściu. Jaje novy muž Den Džuet adznačyŭ na sajcie Giving Pledge, što dałučajecca da abaviazacielstva Makienzi Skot pieradavać značnuju častku hrošaj na dabračynnaść.
Den Džuet — nastaŭnik pryrodaznaŭčych navuk u pryvatnaj škole ŭ Sietle, dzie vučacca dzieci Biezasa i Skot.
Były muž Makienzi Skot pavinšavaŭ paru i napisaŭ, što jon ščaślivy za ich abaich.
