«Samy bujny ruskamoŭny kanał prosta biare maje vokładki i fatašopić svoj tvar pavierch majho», — aburajecca Džymi.
Na kanale Mr.Beast bolš za 50 miljonaŭ padpisčykaŭ. Forbes pastaviŭ jaho na druhoje miesca ŭ topie samych vysokaapłatnych jutubieraŭ za 2020 hod. Va Ułada Bumahi — 28 miljonaŭ padpisčykaŭ. Heta samy paśpiachovy biełaruski błohier.
Da abvinavačvańniaŭ dałučyŭsia błohier JustDustin, u jakoha ŭ jutubie 4,5 miljona padpisčykaŭ. Jon pavinšavaŭ Donaldsana z ustupleńniem u kłub błohieraŭ, jakich kapijuje Bumaha.
Što dumaje nakont hetaha sam Bumaha? «Karcinki… Pfff, heta takaja drobiaź… Lepš pahladzicie na jakaść kantentu ŭ amierykosaŭ i ŭ mianie. Ja ŭ 10 tysiač razoŭ kruciej rablu. Karcinka — 10 chvilin pracy. Źniać rolik — 4—10 hadzin (i heta biez mantažu i scenara). Sałodkich snoŭ, zaŭtra novy rolik. I źviarnicie ŭvahu na jakaść», — napisaŭ błohier u instahram-storys.
