Fota Znak.com
U Maskvie ŭviečary ŭ piatnicu, 19 lutaha, supracoŭniki palicyi zatrymali niekalki vałancioraŭ — «nahladčykaŭ», jakija achoŭvajuć miemaryjał na miescy zabojstva palityka Barysa Niamcova. Na vialiki Maskvarecki most, dzie było ŭčynienaje złačynstva, užo šeść hadoŭ dobraachvotniki prynosiać kvietki, śviečki i fota Niamcova. Upieršyniu za ŭvieś čas isnavańnia miemaryjała jaho abharadzili mietaličnym płotam. Pra heta Znak.com raspaviali vałanciory.
Fota Znak.com
Zatrymańni «nahladčykaŭ» byli i raniej, ale jašče nikoli palicyjanty nie aharodžvali miemaryjał. «Takoha nikoli nie było — za ŭsie šeść hadoŭ, z momantu źjaŭleńnia miemaryjała. Heta sapraŭdy ŭ pieršy raz», — raspaviała Karyna Staraścina, jakuju akurat i zatrymali.
Na nastupnym tydni budzie hadavina zabojstva Barysa Niamcova. Jaho zastrelili na Vialikim Maskvareckim moście 27 lutaha 2015 hoda. U lipieni 2017 hoda byłoha bajca bataljona «Poŭnač» Zaura Dadajeva prysudzili da 20 hadoŭ kałonii strohaha režymu. Sud ustanaviŭ, što mienavita jon zabiŭ Niamcova.
Saŭdzielniki Dadajeva atrymali ad 11 da 19 hadoŭ pazbaŭleńnia voli. Arhanizataram zabojstva śledstva ličyć kiroŭcu namieśnika kamandzira bataljona «Poŭnač» (tam słužyŭ Dadajeŭ) Rusłana Muchudzinava, jaki abvieščany ŭ vyšuk. U pačatku 2020 hoda Uładzimir Pucin zajaviŭ, što ŭstanoŭlenyja zakazčyki zabojstva Niamcova, ale ich proźviščy dahetul nieviadomyja.
