BiełTA
«Novy hod tolki pačaŭsia, u minułym hodzie biełaruska-rasijskija adnosiny raźvivalisia kanstruktyŭna i plonna. Upieršyniu za šmat hadoŭ my ŭvajšli ŭ Novy hod z vyrašanymi pytańniami ŭ paliŭna-enierhietyčnaj śfiery, dasiahnuli ŭsich damoŭlenaściaŭ. My dastatkova ščylna sustrakalisia, razmaŭlali ŭ minułym hodzie. Šmat było vizitaŭ, pieramoŭ, sustreč jak dvuchbakovych, tak i ŭ ramkach intehracyjnych abjadnańniaŭ — u farmacie JEAES i ADKB. I ŭ nas kožny raz jość ab čym kazać, jość što abmiarkoŭvać», — cytuje BiełTA Hałoŭčanka.
Pa jaho słovach, vielmi intensiŭnymi byli vizity ŭ Biełaruś kiraŭnikoŭ rasijskich rehijonaŭ.
«Zafiksavanyja śfiery, jakija cikavyja dla abodvuch bakoŭ. Składzienyja kankretnyja pradmietnyja płany pracy, i zaraz idzie ich realizacyja. Ja absalutna zadavoleny, jak hetyja adnosiny raźvivajucca, — adznačyŭ premjer-ministr. — Ale treba ruchacca napierad.
Nas žyćcio padšturchoŭvaje da taho, što my pavinny abjadnoŭvać našy patencyjały — pramysłovy, intelektualny, navukovy, kulturny, — u toj momant, kali śviet, pa majoj acency, idzie pa trajektoryi padziełu, idzie na razbureńnie intehracyi. Pandemija faktyčna paŭpłyvała na hetyja pracesy. Nam treba iści ŭ bok źlićcia našych patencyjałaŭ.
Treba stvarać sumiesnyja handlova-pramysłovyja łancužki, Sumiesnyja biznesy, sychodzić ad nachiłu rehulatarnaha ŭ bok stvaralny. My pavinny ŭmoŭna ekanomić hrošy i intelektualnyja resursy adno adnaho, stvarać tavar, pradukcyju, raspracoŭki, jakija b pry źlićci davali sinierhietyčny efiekt».
