«My nie kamientavali i nie budziem kamientavać fejki. Zadačami MUS źjaŭlajecca achova hramadskaha paradku, zabieśpiačeńnie biaśpieki i baraćba sa złačynnaściu. U svajoj dziejnaści my kirujemsia zakonam», — zajaviła ahienctvu «Interfaks-Zachad» aficyjny pradstaŭnik MUS Volha Čamadanava ŭ piatnicu.
Inicyjatyva, jakaja abjadnoŭvaje byłych supracoŭnikaŭ siłavych struktur Biełarusi, u piatnicu raźmiaściła ŭ internecie zapis. Śćviardžajecca, što jon zrobleny padčas vystupleńnia namieśnika ministra ŭnutranych spraŭ Mikałaja Karpiankova pierad asabistym składam HUBAZiKa ŭ kastryčniku 2020 hoda. Čałaviek na zapisie (pradstaŭniki inicyjatyvy zajaŭlajuć, što heta nibyta Karpiankoŭ) kamientuje pryčyny śmierci zahinułaha na pratestach u žniŭni Alaksandra Tarajkoŭskaha, dziejańni siłavikoŭ na pratestach. Havorka idzie taksama ab stvareńni niejkaha łahiera dla najbolš aktyŭnych pratestoŭcaŭ.
