Alaksandr Šastakoŭ pryznačany novym dyrektaram Kupałaŭskaha teatra. Pra heta ŭ svaim telehram-kanale paviedamiła Ministerstva kultury.
Da pryznačeńnia Šastakoŭ pracavaŭ namieśnikam načalnika ŭpraŭleńnia kultury Minharvykankama.
Šastakoŭ užo pradstaŭleny kalektyvu teatra — schod u Kupałaŭskim pravioŭ kiraŭnik viedamstva Anatol Markievič.
U žniŭni minułaha hoda byŭ zvolnieny hiendyrektar Kupałaŭskaha teatra Pavieł Łatuška. Jon byŭ pazbaŭleny pasady na nastupny dzień paśla svajho ŭdziełu ŭ akcyi pratestu ŭ Minsku, dzie zaklikaŭ da adstaŭki eks-ministra ŭnutranych spraŭ Juryja Karajeva i ŭsich adkaznych za žorstkaje abychodžańnie z zatrymanymi.
Kalektyŭ teatra zastupiŭsia za svajho byłoha kiraŭnika. Supracoŭniki zapatrabavali adnaŭleńnia Łatuški na pasadzie i adstaŭki tahačasnaha ministra kultury Juryja Bondara.
