«Radyjo Svaboda»
Rodnyja aryštavanych u spravie «Pres-kłuba» pieraličyli na rachunak SK 110 tysiač rubloŭ. Takim čynam jany kampiensavali škodu, nibyta naniesienuju ad dziejnaści kulturna-aśvietnickaha prajekta. Pra heta «Svabodzie» raskazała dačka Julii Słuckaj Alaksandra.
«Siońnia my ŭnieśli płaciež na rachunak Śledčaha kamiteta, — raskazała Alaksandra Słuckaja. — Heta nazyvajecca «zabieśpiačeńnie pahašeńnia naniesienych strataŭ» — 109 769 rubloŭ. Takaja suma fihuruje ŭ materyjałach spravy. U kampiensacyi srodkaŭ udzielničali rodnyja ŭsich zatrymanych».
Pa słovach Alaksandry Słuckaj, kampiensacyja srodkaŭ nie aznačaje pryznańnia viny abvinavačanymi.
