Siońnia ŭ archikafiedralnym kaściole Najśviaciejšaha Imia Maryi ŭ Minsku (płošča Svabody, 9) adbyŭsia bryfinh z udziełam arcybiskupa Tadevuša Kandrusieviča. Tadevuš Kandrusievič sa ślazami ŭ hołasie raskazaŭ, jak paprasiŭ kiroŭcu spynicca, kali pierasiek biełaruskuju miažu, staŭ na kaleni, padziakavaŭ Bohu za viartańnie i pacałavaŭ ziamlu: «Heta maja ziamla!»

Nahadajem, Tadevuša Kandrusieviča nie puścili ŭ Biełaruś 31 žniŭnia, kali jon viartaŭsia z Polščy. Łukašenka, kamientujučy hetuju situacyju, zajaviŭ, što mitrapalit «jeździŭ u Polšču i atrymlivaŭ kansultacyi, jak razburać krainu».

22 śniežnia ministr zamiežnych spraŭ Biełarusi Uładzimir Makiej zajaviŭ, što Łukašenka daručyŭ znajści vyrašeńnie situacyi. U toj ža dzień pasolstva Vatykana atrymała infarmacyju ab adsutnaści pieraškod dla viartańnia ŭ Biełaruś.

Miarkujecca, što siońnia na Kalady Tadevuš Kandrusievič adpravić dźvie imšy ŭ Kafiedralnym kaściole na płoščy Svabody: a 19:00 (na polskaj) i a 21:00 (na biełaruskaj). U imšy-pastercy a 21:00 taksama voźmie ŭdzieł apostalski nuncyj Ante Jozič.

Zaŭtra, 25 śniežnia, Tadevuš Kandrusievič adsłužyć dźvie imšy ŭ Čyrvonym kaściole (11:00 i 13:00). 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?