Kabiakoŭ uznačalvaŭ urad Biełarusi z 27 śniežnia 2014 pa 18 žniŭnia 2018 hoda, fota «Minsk-naviny»
Niekalki tydniaŭ tamu eks-premjer Biełarusi (2014—2018) Andrej Kabiakoŭ uznačaliŭ rasijskuju vuhalnuju kampaniju «Sibvuhlemiet» (chołdynh VEB). U intervju RBK jon raspavioŭ pra novyja zadačy na svajoj pasadzie, pieradzieł rynku vuhalu, prablemach z ekspartam, jak paŭpłyvała pandemija. Spytaŭ žurnalist, što eks-kiraŭnik ŭrada dumaje ab pratestach u Biełarusi.
«Situacyja niaprostaja. Ja dumaju, što pavoli jana vypravicca. Ale što b ni adbyvałasia, ja liču, što pierśpiektyvy biełaruska-rasijskich adnosin jość i buduć, — adkazaŭ Andrej Kabiakoŭ. — Heta majo hłybokaje pierakanańnie.
Ale ja syšoŭ ź dziaržsłužby i, ščyra kažučy, nie chacieŭ by viartacca da tem, jakija nie źviazanyja z vuhalnaj halinoj.
Viadoma, u maim vypadku adbyŭsia pierajezd u Maskvu. A pra toje, kab pieravieźci siamju, heta ŭ stadyi rašeńnia».
