BiełTA

BiełTA

Alaksandr Łukašenka nazvaŭ pandemiju karanavirusa šyrmaj, za jakoj hłabalnyja hulcy sprabujuć pieradzialić śviet. U hetych hulcoŭ jość płany i na postsavieckaj prastory, u tym liku i na Biełaruś. Pra heta jon zajaviŭ padčas intervju ŚMI blizkaha zamiežža, frahmient hutarki pakazali ŭ vypusku navin na kanale «Biełaruś 1», piša Tut.by.

Na dumku Łukašenki, śviet siońnia žyvie va ŭmovach surjoznych uzrušeńniaŭ, a płanieta pieražyvaje sistemny kryzis.

«Karanavirus — tolki padstava, šyrma, pad jakoj hłabalnyja hulcy čarhovy raz sprabujuć pierarabić śviet na svoj manier», — skazaŭ Łukašenka.

Pavodle jaho słoŭ, «u ich jość płany i na postsavieckaj prastory, u tym liku i na Biełaruś».

«Paradaksalna. Ale my ličym heta važkim arhumientam, što Biełaruś jak dziaržava adbyłasia — maje palityčnuju vahu i surjozny ekanamičny patencyjał», — zajaviŭ Łukašenka.

«My adnaznačna aceńvajem padziei, jakija adbyvajucca paśla vybaraŭ u krainie, jak sprobu niekanstytucyjnaha pieravarotu pa lakałach, jak havorycca, kalarovych revalucyj», — skazaŭ jon i dadaŭ, što nasamreč nijakaj revalucyjaj tut nie pachnie, bo niama revalucyjanieraŭ».

Клас
Панылы сорам
Ха-ха
Ого
Сумна
Абуральна