Smarhonskaja milicyja vyśvietliła, što kala 23-j hadziny 18 kastryčnika troje hramadzian M., H. i V. z dapamohaj ryštavańniaŭ padnialisia na dach himnazii Smarhoni. Tut jany źniali z fłahštoka dziaržaŭny ściah i zamianili jaho na bieł-čyrvona-bieły. Źniataje pałotnišča mužčyny zabrali z saboj, paviedamlaje Hienieralnaja prakuratura.

Pa vynikach pravierki Smarhonski RAUS vynies pastanovu ab admovie va ŭzbudžeńni kryminalnaj spravy ŭ suviazi z adsutnaściu ŭ dziejańni składu złačynstva.

Adnak prakuratura ličać, što M., H. i V. chacieli prademanstravać svajo źniavažlivaje staŭleńnie da simvoliki krainy. Tym samym jany ździejśnili ździek ź dziaržaŭnaha ściaha (art. 370 Kryminalnaha kodeksa).

Paśla vyvučeńnia materyjałaŭ pravierki prakuratura Smarhonskaha rajona, admianiŭšy nazvanuju pastanovu orhana daznańnia, pačała kryminalnuju spravu.

Клас
0
Панылы сорам
0
Ха-ха
0
Ого
0
Сумна
0
Абуральна
0