Anders Tehneł, fota TT

Anders Tehneł, fota TT

Ahienctva hramadskaj achovy zdaroŭja Šviecyi zajaviła, što jaho prahnoz adnosna druhoj chvali karanavirusa ŭ krainie akazaŭsia niasłušnym. Pra heta paviedamlaje hazieta Financial Times.

Hałoŭny epidemijołah Šviecyi Anders Tehneł mierkavaŭ, što epidemijałahičnaja situacyja vosieńniu budzie lepšaj za košt vypracoŭki kalektyŭnaha imunitetu.

Adnak u ciapierašni čas u krainie kolkaść špitalizacyi ludziej z COVID-19 raście chutčej, čym u inšych krainach Jeŭropy. Viadoma, što ŭ Stakholmie kožny piaty test na karanavirus źjaŭlajecca stanoŭčym.

Pa słovach virusołaha Leny Ejnchorn, u Šviecyi čatyry dni tamu było ŭ vosiem razoŭ bolš vypadkaŭ karanavirusa na dušu nasielnictva, čym u Finlandyi, i ŭ 3,5 razu bolš, čym u Narviehii. Jana adznačyła, što ŭ hetych krainach situacyja vosieńniu pavinna była być horšaj, pakolki ŭ šviedaŭ pavinien byŭ źjavicca imunitet.

Pavodle apošnich źviestak, u Šviecyi vyjaŭlena 171 365 vypadkaŭ karanavirusa, achviarami infiekcyi stali 6122 čałavieki.

Клас
0
Панылы сорам
0
Ха-ха
0
Ого
0
Сумна
0
Абуральна
0