Pravaabaroncy patrabujuć raspačać kryminalnuju spravu, pravieści rasśledavańnie i pakarać vinavatych u śmierci Ramana Bandarenki.

«Vidavočna, što adkaznaść za śmierć Ramana Bandarenki lažyć na Ministerstvie ŭnutranych spravaŭ i tych, chto addavaŭ milicyi zahad «zakrucić hajki». Ułady pravakujuć jašče bolšuju napružanaść pamiž imi i narodam, — kaža staršynia PC «Viasna» Aleś Bialacki. —

My, pravaabaroncy, patrabujem uzbudžeńnia kryminalnaj spravy, praviadzieńnia rasśledvańnia i pakarańnia vinavatych. Chacia ja razumieju, što Śledčy kamitet hatovy zapluščvać vočy na luboje biezzakońnie i hvałt, učynieny siłavikami. Ale ja vieru, što anivodnaje złačynstva, učynienaje suprać ludziej, nie budzie daravanaje. Ja zaklikaju ludziej nie ŭpadać u rospač i adčaj i dalej adstojvać svaje pravy čałavieka. Bo my — nie bydła!»

31-hadovy minčuk Raman Bandarenka pamior uviečary 12 listapada ŭ balnicy, dzie znachodziŭsia ŭ vielmi ciažkim stanie. Uviečary 11 listapada nieviadomyja pryjechali ŭ lehiendarny dvor «Płošča Pieramien» zrazać stužki. Skončyłasia ŭsio bojkaj z Ramanam Bandarenkam. Nieviadomyja źbili jaho, paśla čaho dastavili ŭ RUUS, a adtul — užo biez prytomnaści — u balnicu.

Клас
0
Панылы сорам
0
Ха-ха
0
Ого
0
Сумна
0
Абуральна
0