Jak paviedamlaje sajt Dziaržpahrankamiteta, pastanovu pra abmiežavańni na miažy vydaŭ Saviet Ministraŭ. Pryčyna — kavid. Nahadajem, što padčas pieršaj chvali kavidu Biełaruś miežy nie zakryvała, a kiraŭnictva krainy admaŭlała niebiaśpiečnaść situacyi.

Ad 1 listapada Biełaruś časova prypyniaje pierasiačeńnie miažy na ŭjezd dla zamiežnych hramadzian i asob biez hramadzianstva ŭ aŭtadarožnych punktach propusku, punktach sproščanaha propusku, punktach propusku na čyhunačnych vakzałach (stancyjach), punktach propusku ŭ račnych partach u metach praduchileńnia raspaŭsiudžvańnia infiekcyi, vyklikanaj COVID-19, paviedamlaje DPK.

Źviarnicie ŭvahu, što na aeraport abmiežavańni nie raspaŭsiudžvajucca.

 Abmiežavańnie nie tyčycca: 

  • zamiežnych hramadzian, jakija jeduć pa dypłamatyčnych i słužbovych pašpartach;
  • kiraŭnikoŭ i členaŭ aficyjnych delehacyj;
  • zamiežnikaŭ, jakija akazvajuć mižnarodnuju biazvypłatnuju dapamohu Respublicy Biełaruś;
  • kiroŭcaŭ transpartnych srodkaŭ pry vykanańni mižnarodnych aŭtamabilnych pieravozak, a taksama pieravozak mižnarodnych paštovych adpraŭleńniaŭ;
  • členaŭ ekipažaŭ sudoŭ unutranaha vodnaha transpartu, ciahnikovych bryhad, łakamatyŭnych bryhad mižnarodnych čyhunačnych znosin;
  • zamiežnikaŭ, jakija źjaŭlajucca mužam, žonkaj, baćkami abo dziećmi hramadzian Respubliki Biełaruś;
  • zamiežnikaŭ, jakija majuć prava na pastajannaje abo časovaje pražyvańnie na terytoryi Respubliki Biełaruś;
  • zamiežnikaŭ, jakija majuć dazvoł na pracu abo paćviardžajuć dakumienty na ažyćciaŭleńnie pracoŭnaj dziejnaści na terytoryi Respubliki Biełaruś;
  • zamiežnikaŭ, jaki jeduć u Respubliku Biełaruś paśla paviedamleńnia ab ciažkaj chvarobie abo śmierci blizkaha svajaka;
  • zamiežnikaŭ, jakija ažyćciaŭlajuć pieravozki stvałavych kletak, orhanaŭ dla transpłantacyi;
  • hramadzian Rasijskaj Fiederacyi, jakija jeduć tranzitam praz terytoryju Respubliki Biełaruś u Rasijskuju Fiederacyju;
  • zamiežnikaŭ, jakija jeduć tranzitam praz terytoryju Biełarusi ŭ adpaviednaści z pahadnieńniem pamiž Uradam Biełarusi i Kabinietam Ministraŭ Ukrainy ab sproščanym paradku prajezdu ŭčastka aŭtamabilnaj darohi Słavucič — Čarnobylskaja AES, jaki prachodzić pa terytoryi Biełarusi, rabotnikami, transpartnymi srodkami i hruzami Čarnobylskaj AES i pradpryjemstvaŭ, jakija ažyćciaŭlajuć dziejnaść u zonie adčužeńnia, a taksama zamiežnymi śpiecyjalistami, pryciahnutymi da realizacyi mižnarodnych prajektaŭ pa zakryćci Čarnobylskaj AES, ad 20 studzienia 2009 hoda;
  • tych, chto prylataje ŭ Biełaruś praz Nacyjanalny aeraport Minsk.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?