Supracoŭniki 6-ha ŭpraŭleńnia HUBAZiK MUS pa Bresckaj vobłaści zatrymali 16-hadovaha školnika pa padazreńni va ŭdziele ŭ «masavych biesparadkach» pa art. 293 Kryminalnaha kodeksa, paviedamlaje UUS Bresckaha abłvykankama. Taksama UUS paviedamiła, što «dniami» byŭ zatrymany ŭ miežach hetaj spravy 37-hadovy taksist bieź biełaruskaha hramadzianstva. Pry hetym «Viaśnie» viadoma, što Cimura Ryzapura, jakoha 10 žniŭnia padstrelili siłaviki piać razoŭ, utrymlivajuć pad vartaj užo miesiac.

«Dniami vyjaŭlenyja i zatrymanyja aktyvisty biesparadkaŭ, jakija prajšli 10 žniŭnia ŭ abłasnym centry. Tak, 16-hadovy navučeniec 11 kłasa adnoj sa škoł Bresta, udzielnik niefarmalnaha moładzievaha ruchu, jaki prapahanduje idei nieanacyzmu, kinuŭ u bok milicyjantaŭ butelku», — piša viedamstva.

Pry hetym nie paviedamlajecca, jakaja prymieniena miera strymańnia da niepaŭnaletniaha i ci vystaŭlena jamu abvinavačvańnie.

Taksama UUS Bresckaha vykankama paviedamlaje, što nibyta na «dniami vyjaŭleny i zatrymany» 37-hadovy hramadzianin Azierbajdžana, jaki maje vid na žycharstva asoby biez hramadzianstva da kastryčnika 2021. Jon taksama źjaŭlajecca fihurantam kryminalnaj spravy ab «masavych biesparadkach» 10 žniŭnia.

«Viaśnie» viadoma, što 37-hadovy taksist Cimur Ryzapur byŭ zatrymany jašče miesiac tamu, 30 vieraśnia. Jaho ŭtrymlivajuć u bresckim SIZA №7. Uviečary 10 žniŭnia, kali jon viartaŭsia z pracy dadomu, jaho padstrelili humovymi kulami piać razoŭ. Śledčy tłumačyć vybar miery strymańnia ŭtrymańnia pad vartaj tym, što ŭ Cimura Ryzapura niama biełaruskaha hramadzianstva, niahledziačy na toje, što ŭ jaho jość vid na žycharstva i jon žyvie ŭ Biełarusi ŭžo kala 23 hadoŭ. 

Da paviedamleńnia UUS Bresckaha vykankama prykładajecca dva videaroliki. Na druhim ź ich zatrymany raspaviadaje na kamieru, što naradziŭsia ŭ Baku. Jon kaža, što apynuŭsia na pratestach vypadkova, pakolki padvoziŭ pasažyraŭ i pieršapačatkova nie byŭ nastrojeny «chadzić na hetyja mierapryjemstvy». Na pytańnie, ci znachodziŭsia jon u stanie ałkaholnaha apjanieńnia, zatrymany adkazvaje: «Nie, ja na pracy znachodziŭsia».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?