Aktyvistka anarchisckaha ruchu Maryna Kasinierava paviedamiła, što ŭ noč z 28 na 29 kastryčnika byli aryštavanyja anarchisty Ihar Alinievič i Dźmitryj Razanovič.

Pry hetym jana dapuskaje, što byli i inšyja zatrymanyja, imiony jakich ŭdakładniajucca:

«Ciapier usie zatrymanyja znachodziacca ŭ SIZA KDB. Dźmitryj zmoh patelefanavać svajakam i paviedamić, što im «šyjuć» art. 289 «Akt teraryzmu» i art. 295 «Niezakonny abarot zbroi» KK RB».

Pry pierasiačeńni ŭkrainskaj miažy zatrymany anarchist Ihar Alinievič

Dźmitryj Razanovič — anarchist z Homiela, u 2014 hodzie byŭ zatrymany pry pierachodzie ukrainska-rasiejskaj miažy i pravioŭ 4 miesiacy ŭ departacyjnym lahiery, piša Svaboda.

Ihar Alinievič praciahły čas žyŭ za miažoj i ŭ Biełaruś amal nie pryjaždžaŭ.

Jon były palitviazień. U 2010 hodzie jaho zatrymali nieviadomyja ŭ Maskvie i vyvieźli ŭ Biełaruś. Utrymlivaŭsia ŭ SIZA KDB. Sud Zavodzkaha rajonu Mienska pakaraŭ aktyvista 8 hadami pazbaŭleńnia voli ŭ kalonii ŭzmocnienaha režymu. Jaho abvinavacili pavodle častki 2 art. 339 KK (chulihanstva, učynienaje hrupaj asobaŭ) i častak 2 i 3 art. 218 KK (paškodžańnie majomaści ahulnaniebiaśpiečnym sposabam i ŭ asabliva bujnym pamiery).

U 2013 hodzie za knihu «Jedu ŭ Mahadan» Ihar Alinievič staŭ pieršym laŭreatam premii Franciška Alachnoviča Biełaruskaha PEN-centru.

A ŭ 2016-m uhanaravany Nacyjanalnaj premijaj za abaronu pravoŭ čałavieka imia Viktara Ivaškieviča ŭ naminacyi «Za asabistuju mužnaść».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?