Premjer-ministr Armienii Nikoł Pašynian adpraviŭ list prezidentu RF Uładzimiru Pucinu, u jakim paprasiŭ pačać kansultacyi dla vyznačeńnia dapamohi, jakuju Rasija moža akazać Armienii. Pra heta paviedamlaje pres-słužba armianskaha MZS, piša RBK.

«Bieručy pad uvahu fakty zamachaŭ na terytoryju Respubliki Armienija pry nabližeńni da miažy Respubliki Armienija, premjer-ministr Respubliki Armienija źviarnuŭsia da prezidenta Rasijskaj Fiederacyi z prośbaj pačać nieadkładnyja kansultacyi dla vyznačeńnia taho, jaki vid dapamohi Rasijskaja Fiederacyja moža akazać Respublicy Armienija», — havorycca ŭ paviedamleńni.

U liście Pašynian spasyłajecca na damovu ab sajuźnickich adnosinach pamiž Rasijaj i Armienijaj 1997 hoda, a taksama na art. 2 Pahadnieńnia ab družbie, supracoŭnictvie i ŭzajemnaj dapamozie ad 29 žniŭnia 2006 hoda.

Taksama ŭ liście skazana pra bajevikoŭ ź Blizkaha Uschodu, jakija nibyta byli pierakinutyja ŭ zonu bajavych dziejańniaŭ. 

Rasija i Armienija źjaŭlajucca sajuźnikami pa ADKB. Pavodle statuta arhanizacyi, u vypadku napadu na adnaho z udzielnikaŭ damovy, kraina maje zapatrabavać dapamohu ŭ inšych udzielnikaŭ. Adnak rasijskija ŭłady padkreślivali, što naŭprostaha vajennaha kanfliktu pamiž Armienijaj i Azierbajdžanam niama.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?