Siońnia, 22 kastryčnika, z šostaha paviercha doma №4 na vuł. Stefanoŭskaha vypała žančyna. Pavodle niepaćvierdžanych danych, jana skoknuła sama, paviedamlaje Ranak.
Žančyna ŭpała z akna padjezda na šostym paviersie i apynułasia na kazyrku. Usio zdaryłasia ŭ rajonie 15:30. Vidavočcy vyklikali chutkuju, kažuć, u hety momant paciarpiełaja jašče była žyvaja.
Supracoŭniki MNS z dapamohaj miakkich nasiłak spuścili žančynu z kazyrka i pieradali supracoŭnikam chutkaj dapamohi.
46-hadovuju haradžanku dastavili ŭ balnicu. Viadoma, što jana žyvie ŭ hetym samym domie. Na miescy zdareńnia pracujuć supracoŭniki milicyi.
