Maksima Chlabca i Ramana Čmiala, jakija aśviatlali čarhovuju akcyju pratestu, milicyja pryraŭniała da ŭdzielnikaŭ niesankcyjanavanaha masavaha mierapryjemstva, paviedamlaje «Bresckaja hazieta».

U sieradu, 21 kastryčnika, na volu vyjšli pazaštatny žurnalist «BH» Maksim Chlabiec i fotakarespandent «BH» i haradskoha časopisa «Binokl» Raman Čmiel. Žurnalistaŭ, jakija aśviatlali niadzielnuju akcyju pratestu, zatrymali na praśpiekcie Mašerava i pratrymali ŭ IČU troje sutak. Kalehi ź niedziaržaŭnych ŚMI, ich siabry da apošniaha spadziavalisia, što Ramana i Maksima adpuściać biez składańnia pratakoła, ale daremna. Spravu daviali da suda.

U niadzielu, 18 kastryčnika, Maksim Chlabiec i Raman Čmiel pracavali na niadzielnaj akcyi pratestu. Kala 17:00 chłopcy znachodzilisia na praśpiekcie Mašerava. Tut da ich padyšli amapaŭcy i prapanavali prajści ŭ mikraaŭtobus. Spačatku ich źbiralisia vieźci ŭ RAUS Bresckaha rajona, ale potym chłopcy pačuli pa racyi kamandu: vieźci ŭ Leninski.

Tam žurnalistaŭ chutka apytali i adpravili ŭ padvał IČU.

Paśla abiedu 21 kastryčnika, kali ŭ Maksima i Ramana zakančvalisia 72 hadziny z momantu zatrymańnia (pa zakonie da taho času ich pavinny byli albo sudzić (ci chacia b pačać praces), albo adpuścić — zaŭv. Red.), Ich kalehi i siabry čakali chłopcaŭ spačatku ŭ sudzie, potym kala bramy IČU. Akazałasia, što žurnalistaŭ pavieźli ŭ sud.

Advakaty žurnalistaŭ paprasili dać čas dla aznajamleńnia z materyjałami administracyjnych spraŭ. Sud ich chadajnictvy zadavoliŭ. Pa spravie Maksima Chlabca abvieščany pierapynak da 22 kastryčnika, Ramana Čmiala — da 23 kastryčnika. Z zały suda jany vyjšli na volu.

Клас
0
Панылы сорам
0
Ха-ха
0
Ого
0
Сумна
0
Абуральна
0