U pinskich palitviaźniaŭ prachodziać doma pieratrusy. Śledčyja apisvajuć ich majomaść i nakładajuć na jaje aryšt. Adnak pry ŭručeńni adpaviednych dakumientaŭ błytajuć fihurantaŭ «pinskaj spravy»: pravodziać pieratrus u domie adnaho čałavieka, a pastanovu ŭručajuć inšaha, piša spring96.org.
Svajaki pinskich palitviaźniaŭ paviedamlajuć, što pieratrus byŭ praviedzieny ŭ domie 19-hadovaha Daniiła Bohnata. Adnak jaho svajakam uručyli pastanovu ab nakładańni aryštu na majomaść inšaha palitviaźnia — Viačasłava Rahaščuka.
Pravaabaronca «Viasny» Alaksandr Vajciešyk miarkuje, što pieratrusy ŭ chutkim časie buduć praviedzienyja ŭ damach inšych fihurantaŭ «pinskaj spravy».
Jak adznačaje śledčy Pinskaha mižrajonnaha adździeła Śledčaha kamiteta A. Barčuk, aryšt na majomaści abvinavačanych pa č. 2 art. 293 Kryminalnaha kodeksa (Udzieł u masavych biesparadkach) ažyćciaŭlajecca «ŭ metach zabieśpiačeńnia pakryćcia naniesienaj škody, hramadzianskaha pazovu i inšych majomasnych spahnańniaŭ».
Paśla akcyj pratestu 9-10 žniŭnia ŭ Pinsku byli raspačatyja kryminalnyja spravy ab masavych biesparadkach minimum na 13 čałaviek, dziesiać ź ich pryznanyja palityčnymi źniavolenymi.
