Fota Nadziei Bužan
Televiadučy Dźmitryj Kachno stanie viadučym šou «Chałaściak» na rasijskim kanale TNT. Pra heta jon napisaŭ u svaim instahramie.
Z 2016 hoda Dźmitryj byŭ niaźmiennym viadučym rekłamnaj pieradačy «Udača ŭ prydaču», a ŭ 2018 i 2019 hodzie jon byŭ viadučym «Pieśni hoda ŭ Biełarusi» na ANT. U červieni 2020-ha ŭ instahramie jon napisaŭ emacyjny post pra Symbal.by, u jakim aburyŭsia dziejańniami milicyi. Dźmitryj napisaŭ, što jamu błaha ad taho, što sivoj babuli treba ŭciakać ad ludziej z aŭtazaka. Praź niejki čas stała viadoma, što jon adchileny ad «Udaču ŭ prydaču».
U vieraśni Dźmitryj byŭ zatrymany i asudžany na 10 sutak za ŭdzieł u niesankcyjanavanaj akcyi, a potym jašče i aštrafavany.
***
«Chałaściak» — realici-šou, adaptacyja papularnaha amierykanskaha prajekta «The Bachelor». Na TNT idzie z 2013 hoda.
