Fiederalnaje ahienctva pa ŭpraŭleńni ŭ nadzvyčajnych situacyjach ZŠA ŭtylizavała 45 aparataŭ štučnaj vientylacyi lohkich, jakija byli raniej dasłanyja Rasijaj dla dapamohi ŭ baraćbie z karanavirusam, paviedamiła vydańnie Buzzfeed.
Uviesnu Maskva adpraviła 45 aparataŭ štučnaj vientylacyi lohkich i inšyja miedycynskija prynaležnaści ŭ skryniach z hryfam «Z Rasii ź luboŭju».
Rasijskija aparaty ŠVŁ byli pryniatyja supracoŭnikami Fiederalnaha ahienctva pa nadzvyčajnych situacyjach u Ńju-Jorku 1 krasavika i raźmierkavanyja pamiž balnic tam i ŭ Ńju-Džersi. Ale z aparatami ŠVŁ Avienta-M byli prablemy z momantu ich dastaŭki, i jany nikoli nie vykarystoŭvalisia.
Ciapier ich, faktyčna, vykinuli na śmietnik.
«Pieradadzienyja ŭ dar aparaty byli ŭtylizavanyja ŭ adpaviednaści sa strohimi narmatyŭnymi patrabavańniami pa ŭtylizacyi niebiaśpiečnych adchodaŭ, ustanoŭlenymi Upraŭleńniem ahulnych słužbaŭ ZŠA (GSA) i Ahienctvam pa achovie navakolnaha asiarodździa (EPA)», — paviedamiŭ pradstaŭnik ahienctva.
