Rabić dabro — u hetym i jość załoh isnavańnia hramadstva, zajaviŭ Mitrapalit Minski i Zasłaŭski Vienijamin, Patryjaršy Ekzarch usiaje Biełarusi, naviedvajučy Minski dziaržaŭny kaledž elektroniki, paviedamlaje BiełTA.
Mitrapalit aznajomiŭsia z arhanizacyjaj navučalnaha pracesu dla navučencaŭ z parušeńniami zroku, naviedaŭ resursny centr «Inkluziŭnaja adukacyja», na bazie jakoha ažyćciaŭlajecca navučańnie asob z asablivaściami psicha-fizičnaha raźvićcia, a taksama ŭručyŭ pamiatnyja siertyfikaty pryzioram IV Respublikanskaha konkursu prafiesijnaha majsterstva WorldSkills Belarus 2020.
«Heta vydatny prykład, jak možna na kožnym miescy rabić dobryja spravy. U hetym załoh isnavańnia hramadstva, — skazaŭ mitrapalit Vieńjamin. — Chočacca pažadać, kab hety praces raźvivaŭsia, kab u kaledž prychodzili novyja chłopcy, viedajučy pra hety stanoŭčy vopyt, i kab hety vopyt raźvivaŭsia nie tolki tut, ale i ŭ inšych navučalnych ustanovach».
