Vyjšła novaja «Naša historyja» (№9). Jaje centralnaja tema: «Salidarnaść», ruch, jaki źmianiŭ śviet i historyju.
Histaryčny praces va ŭsim śviecie ŭzajemaźviazany, i niama nivodnaj nacyjanalnaj historyi, izalavanaj ad inšych. Toje, što adbyvajecca ŭ adnym kutku śvietu, naŭprost ci ŭskosna maje ŭpłyŭ i na padziei ŭ inšych.
Tak było zaŭsiody, va ŭsie časy. Adno što tolki ŭ našu epochu hłabalizacyi, z novymi srodkami suviazi i kamunikacyj hetyja ŭpłyvy prajaŭlajucca kudy bolš chutka dy vidavočna. Dy i sam
histaryčny praces dziakujučy ŭsiamu hetamu paskoryŭsia: na što raniej patrabavalisia stahodździ ci navat tysiačahodździ, ciapier dastatkova dziesiacihodździaŭ ci navat prosta hadoŭ.
Usio heta, adnak, nie admianiaje taho, što i ciapier adnyja narody i supolnaści prachodziać praź niepaźbiežnaje raniej i aktyŭniej, a inšym na heta patrabujecca bolš času. Dy i sami formy, u jakich praces praciakaje, mohuć značna roźnicca ŭ zaležnaści ad miascovych umoŭ.
Tamu, apielujučy da historyi i bieručy za prykład dośvied inšych narodaŭ, niapravilna i navat niebiaśpiečna miechanična nakładać na svaju rečaisnaść čužyja schiemy. Kožny raz u inšym miescy ŭsio adbyvajecca choć krychu, dy inakš, — a časam i zusim inakš, choć ahulnyja pieradumovy, zdavałasia b, i padobnyja. Bo nikoli niama taho, kab u roznych vypadkach stopracentna supali dziasiatki i sotni ŭsich faktaraŭ i abstavin, što niepasredna ŭpłyvajuć na raźvićcio situacyi.
U historyi vialikaje značeńnie majuć i rola asoby, i zroblenyja ŭ klučavyja momanty pamyłki ci, naadvarot, niečakana ŭdałyja chady.
Dy i ŭvohule, niaredka situacyju kardynalna źmianiajuć čystyja vypadkovaści i źbiehi abstavin — dla adnych tryumfalnyja, a dla inšych fatalnyja.
Historyja nikoli da kanca nie pradkazalnaja, a tamu i cikavaja. Ale ŭ toj ža čas jość u joj i zakanamiernaści. Kali niedzie niešta jaŭna adžyło i nie ŭpisvajecca ŭ ahulnuju łohiku histaryčnaha raźvićcia, to ŭsio ž rana ci pozna jano musić syści sa sceny, sastupiŭšy miesca žyvomu i sučasnamu. Zapavolić histaryčny praces možna, časova jaho skiravać na nieŭłaścivy šlach — taksama, a voś zatrymać uvohule — niemahčyma.
Voś tamu my i prapanujem našym čytačam pryhledziecca da historyi polskaj «Salidarnaści».
A voś inšyja cikavyja temy z numara:
Zahadkavy viazień: jak mahiloŭcy strašna adpomścili dušycielu paŭstańnia Kalinoŭskaha.
Tanton-makuty. Papa Doc Dziuvalje, jaho siłaviki i što stała ź ich krainaj.
Čamu ŭ patryjarcha i mitrapalitaŭ bieł-čyrvona-biełyja stužki na mantyjach.
Lićviny suprać rusinaŭ. Jak u bitvie dźviuch identyčnaściej u Vialikim Kniastvie pieramahła treciaja.
Michał Citkoŭ, zabyty biełaruski hienij dyzajnu.
I jašče paŭtara dziasiatka temaŭ.
Dyk padpisvajciesia (heta možna rabić i anłajn) — i budziecie štomiesiac čytać zachaplalnaje biełaruskamoŭnaje vydańnie. «Naša historyja» apaviadaje pra biełaruskuju historyju cikava, a pra suśvietnuju — ź biełaruskich pazicyj.
Čytajcie taksama: Padpiska anłajn: atrymajcie časopisy z dastaŭkaj dachaty. «Naša historyja», a małym — «Dudu» i «Aściarožna: dzieci!»
Nahadajem, što praz padpisku — samaja nizkaja cana na naša vydańnie.
Padpiska na miesiac kaštuje 5,11 rubla, na paŭhoda — 30,66 rubla. Z ulikam rostu cany ŭ roźnicu za paŭhoda padpiskaj vy aščadzicie 5 rubloŭ. A dla nas padpiska taksama najbolš vyhadnaja.
A chto nie padpisany, toj chaj pytajecca časopis u šapikach i kramkach «Biełsajuzdruka» abo na poštach. A taksama voś ahulny śpis kniharań, dzie možna znajści naš časopis u roznych haradach:
Minsk
«Moj modny kut» (Centr Maskoŭska-Vienski, paviljon 333 — heta kala CUMa, mietro «Płošča Jakuba Kołasa», pr. Niezaležnaści, 58)
«Rahna» (vuł. Suchaja, 4, mietro «Frunzienskaja»)
«Akademkniha» (na stancyi mietro «Akademija navuk»)
Filijał «Akademknihi» na vuł. Bahdanoviča, 46
Handlovy centr «Kupałaŭski» (pad Kastryčnickaj płoščaj), kramy 41-42 i 44-45
«Halijafy» (vuł. Niamiha, 3, krama №47 na cokalnym paviersie)
Knižny kirmaš pa vuł. Daŭmana, 23 (subota 00.00-14.00), miesca 78b
«Knižnaja šafa» (pr. Dziaržynskaha, 9)
dy inšyja
Poštaj ci z dastaŭkaj na dom
vy možacie jaho zamović praz Halijafy.by, Knihi.by, Kniger.by, Akademkniga.by, Ragna.by.
Hrodna
«Cudoŭnia» (vuł. Kirava, 3)
dy inšyja
Brest
«Kniaź Vitaŭt» (Kniaz.by)
dy inšyja
Homiel
«Knižny śviet» (pr. Lenina, 45)
Viciebsk
«Śvietač» (vuł. Kirava, 10)
dy inšyja
Mahiloŭ
«Haściniec» (Viciebski praśpiekt, 48)
dy inšyja
Babrujsk
«Krynica viedaŭ» (vuł. Horkaha, 31).
Baranavičy
«Knihi» (vuł. Savieckaja, 73)
Maładziečna
«Spadčyna» (vuł. Prytyckaha, 7)
Lida
«Knižny śviet» (pr. Pieramohi, 33)
Navapołack
«Dom knihi» (vuł. Maładziožnaja, 145)
«Uschod» (vuł. Kirava, 4)
Pinsk
«Moj modny kut» (vuł. Lenina, 31)
Vilnia
Pabačyć možna ŭ šapiku biełaruskaj parafii kaścioła ŭ Zareččy (Užupis), jon pracuje ŭ niadzieli, padčas słužby
Varšava
Pabačyć možna ŭ Biełaruskim domie (13/3, Wiejska)
Nahadvajem, što naš časopis možna kupić i ŭ PDF, u elektronnaj viersii. Rekamiendujem jaje dla ŭsich, u kaho niama dostupu da papiarovaj viersii.
Padpisny indeks 00469
Pryčym pa padpiscy časopis abychodzicca tańniej, čym u kramach i kijoskach.
Jakija pryncypy časopisa
My robim navukova-papularny časopis. Heta značycca, što jon aryjentavany na prostaha čytača, a nie navukoŭcaŭ. Naš padychod — historyja prostymi słovami.
My zadumali jaho jak časopis, jaki budzie jadnać, a nie dzialić. Akramia taho, nam važnyja sistemnaść, abjektyŭnaść i histaryzm. Nam važna pisać bieź mifałohii i mistyfikacyj, bo tolki praŭda cikavaja.
