U Minsku ŭviečary 13 kastryčnika kampanija, jakaja błakavała darohu, źbiła kiroŭcu i pasažyra mašyny, jakija źviarnulisia z prośbaj ačyścić prajeznuju častku, paviedamlajecca ŭ Telegram-kanale MUS.
Incydent nibyta adbyŭsia na skryžavańni pr. Rakasoŭskaha i vuł. Plachanava. Kala 22:30 dziesiać čałaviek pierakryli darohu. Da skryžavańnia ŭ hety čas padjechaŭ Ford. 27-hadovy kiroŭca aŭto i jaho 23-hadovy brat vyjšli z mašyny i paprasili vyzvalić darohu. Pavodle infarmacyi MUS, kampanija adreahavała ahresiŭna, ale prapuściła transpart.
Zatym u chod pajšli kułaki.
U vyniku kiroŭcu i pasažyra Ford źbili, paviedamlaje MUS, a kiroŭcu ŭ vočy raspylili piarcovy haz. Tyja, chto napadaŭ, raźbiehlisia.
Padčas pierakryćcia darohi ŭ Sierabrancy zatrymali Volhu Kłaskoŭskuju — byłuju žurnalistku «Narodnaj Voli». U čym kankretna jaje vina, akramia znachodžańnia na prajeznaj častcy, nieviadoma.
Dziaržaŭnyja telekanały pakazali «dopyty» zatrymanych, jakija na kamieru prosiać prabačeńnia. Ale Kłaskoŭskaja admoviłasia adkazvać na pytańni milicyjanieraŭ, moŭčki hladzieła ŭ kamieru.
